Madalas nating nakikita si Sam Milby sa pelikula at sa mga teleserye na gumaganap ng iba't-ibang mga roles. Isama na natin dito ang mga iba't-ibang commercials na kanyang ginawa.
Ngunit kaninang tanghali, January 28, isang naiibang Sam ang nasaksihan ng ilang miyembro ng press.
Nadatnan ng PEP (Philippine Entertainment Portal) ang aktor na naka-dirt bike gear sa motocross race track sa likod ng SM Bicutan. Sumakay ito sa isang dirt bike at humarurot sa race tracks.
Pagkaraan ng ilang minuto na paikot-ikot sa track, bumalik si Sam sa tent. Dito siya na-interview ng PEP bago siya nakipagsabayan ulit sa ibang mga riders noong hapong iyon.
Ayon kay Sam, kinuha niya ang pagkakataon na makapag-motocross ulit habang hindi pa nagsisimula ang movie na gagawin niya kasama si KC Concepcion.
"This year is my third time pa lang. I want to take the advantage of the time I have habang hindi pa nag-start yung [shooting ng movie]. Kasi pag nag-start na yung movie wala na, wala nang time," aniya.
HOW IT STARTED. Kinuwento ni Sam kung paano siya nagsimula sa motocross.
"Nag-skating na ako nung 11 years old ako. Natuto ako mag-dirt bike nung mga 12 [years old]. Nung nag-stop ako mag-figure skating, nag-race na ako."
Nakatulong din daw na mahilig mag-motocross ang kanyang tatay at dalawang kapatid.
"It's in the blood," aniya.
Bakit ito ang napili niyang sport?
"I don't know, when my dad let me try it, na-hook ako kaagad," ang mabilis na tugon ni Sam.
Maraming klase ng sports ang nasubukan ni Sam. Ilan sa mga ito ay golf, hockey, tennis, soccer, volleyball, at wakeboarding.
"I even did a little bit of gymnastics!" natatawang kwento niya.
Nang tanungin kung ano ang pinagkaiba ng mga ibang sports sa motocross, ngumiti ito at sinabi, "I like the adrenaline rush. I like the speed."
While he enjoys motocross, he has no plans to compete professionally.
"It's all for fun. Siyempre, hindi ko pwede i-push yung sarili ko na... Kasi when you push yourself sa sport na ito, you'll definitely get hurt. E may movie ako, may teleserye. I have to be very careful," paliwanag ni Sam.
DAREDEVIL SPORT. Ang motocross ay isa sa mga sinasabing "daredevil" sports at hindi maiiwasan ang aksidente dito.
"I've had many crashes. Last time, I fell two or three times. Ang problema lang, when I fell off the bike... may problema na ako sa tuhod. I need to get an X-ray. When I landed... [the bike] backfired... it hit my knee and it made it worse... something about the joint... baka may crack or something," aniya.
Ngunit sinigurado ni Sam na wala namang dapat ipag-alala, "It's not that bad, but it hurts."
Ang mga aksidenteng ito ay hindi dahilan upang matakot o mawalan ng gana ang aktor sa napiling sport.
"It's not that bad a crash to get traumatized. I ran into a tree during a race and I broke my hand but I still finished the race. In one high-speed crash, I landed on the wrong side of the landing jump. I was probably going at least 50 miles per hour," kwento ng 26-year-old na aktor.
INVITING FRIENDS. Sinu-sino bang mga kaibigan niya sa showbiz ang kanyang naimbita para subukan mag-motocross?
"I tried to get John Prats [interested]... He said he tried it before and he is not into it. Billy Crawford said he is gonna come... he used to do it before. Sometime, he'll join me," ang sagot ni Sam.
Pero kung mag-iimbita siya ng babae sa showbiz para subukan ang motocross, sino ito at bakit?
Natigilan si Sam, nag-isip, saka niya binulalas ang pangalan ni Angel Locsin.
"She is adventurous. She is, yung type na parang boyish. Feeling ko game siya!" aniya.
Bago matapos ang interview, may masayang ibinalita si Sam: "I plan on joining the karera on February 20."